Ofte stilte spørsmål

Ofte stilte spørsmål

• Uventa straumutfall

  På sommarstid er det i dei fleste tilfelle torevær som fører til straumutfall, mens på vinterstid kan det både vere sterk vind, tung/våt sno, eller ein kombinasjon av dette som fører til feil. 

  Kva gjer Telemark Nett (TN), og kva kan du som kunde gjere i slike tilfelle?

  Vakta på driftsentralen til TN i Høydalsmo, får automatisk melding om alle utfall i høgspentnettet i TN sitt område, og vil straks setje inn tiltak for å rette feilen. Du som kunde vil i mange tilfelle oppleve at straumen kjem att ei kort stund, for så å bli borte igjen. Dette er driftsvakta som ved fjernstyrte bryterar prøvar å legge inn att straumen. 

  I slike tilfelle treng du ikkje varsle TN for å melde om straumstans. Men om du til dømes ser at det ligg eit tre på linja, at linja har gått av og ligg på bakken, eller at det brenn i ein stolpe, vil me gjerne at du melder ifrå.

  Det kan vere frusterande som kunde å oppleve at straumen kjem og dett ut fleire gonger i etterkant av eit utfall. Som nemnt er det driftsvakta som "prøvekoplar" etter å ha starta feilsøking på nettet via fjernstyring. TN har mange fjernstyrte bryterar rundt om i høgspentnettet, og kan slik sett på ein rask måte gjere omkoplingar i nettet for å "isolere feilstaden" til eit avgrensa område. 
  Dette betyr at mange kundar kan få att straumen allereie før montørane rykker ut for å utbetre feilen. 

  I løpet av 2024, håpar me å ha på plass eit nytt varslingssystem, som gjer at du som kunde automatisk får varsel både ved registrert utfall og innkopling. 

• Korleis blir kapasitetsleddet (fastbeløpet) rekna ut?

  Kapasitetsleddet erstattar tidlegare fastbeløp, og blir rekna ut etter middel av dei 3 høgaste effektuttaka dine i månaden. (Plukka ut frå 3 ulike dagar). Hensikten med kapasitetsleddet er å stimulere kundane til å jevne ut forbruket slik at belastninga i straumnett blir lågare.

• Har du spørsmål til straumrekninga?

  Har du spørsmål om straumrekninga skal du som hovudregel ta kontakt med kraftleverandøren din. Han skal svare på spørsmål om faktura, forbruk og prisar. Treng du meir detaljert info om nettleiga kan du kontakt oss som netteigar.

• Kven gjev eg melding til når eg skal flytte, og må eg lesa av målaren min?

  Når du skal flytte må du gje beskjed til kraftleverandøren din. Kraftleverandøren varslar netteigar. Dersom du ikkje har automatisk innsamling av målarstand må du lese av målaren.